Tum Meri Aankh k Tewar Na Bhula Pao Gy
Un-Kahi Baat Ko Samjho Gy To Yaad Aaonga,
Hum Ne Khushiyon Ki Tarah Dukh Bhi ikathay Dekhay
Safah-e-Zeesat Ko Palto Gy To Yaad Aaonga,
Isi Andaaz Mein Hotay Thay Mukhatib Mujh Se
Khat Kisi Aur Ko Likho Gy To Yaad Aaonga,
Sard Raaton k Mehkatay Hoye Sanaaton Mein
Jab Kisi Phool Ko Choomon Gy To Yaad Aaonga,
Ab Tere Ashk Main Honton Se Chura Leta Hoon
Hath Se Khud Inhen Poncho Gy To Yaad Aaonga,
Shaal Pehnaye Ga Ab Kon December Mein Tumhe
Baarishon Mein Kabhi Bheego Gy To Yaad Aaonga,
Aaj Tum Mahfil-e-Yaaran Pe Ho Maghroor Bohat
Jab Kabhi Toot k Bikhro Gy To Yaad Aaonga,
Hadsay Aayen Gy Jeewan Mein To Tum Ho k Nidhal
Kisi Deewar Ko Thamo Gy To Yaad Aaonga,
Iss Mein Shamil Hai Meri Bakhat Ki Tareeki Bhi
Tum Siyah Rang Jo Pehno Gy To Yaad Aaonga.
No comments:
Post a Comment